මෙවර සිංහල/හින්දු අළුත් අවුරුද්ද වෙනුවෙන් හෝමාගම ප්‍රාදේශීය
ලේකම් කොට්ඨාශයට අයත් සමෘද්ධි ප්‍රජා මූල බැංකු පහෙහි ( මීගොඩ, හෝමාගම, පිටිපන, මත්තේගොඩ,
පොල්ගස්ඕවිට) අළුත් අවුරුදු ගණුදෙනු චාරිත්‍රය ඉතාමත් උත්සවශ්‍රීයෙන් සැමරූ අතර
අළුත් අවුරුදු උත්සවද ඉතාමත් උත්සවශ්‍රීයෙන් 2018.04.22 වන දින බැංකු කලාප
මට්ටමින් පැවැත්වීමට බැංකු කලමණාකාර මහත්ම මහත්මීන් හා බැංකු හා ක්ෂේත්‍ර
දිවිනැගුම සංවර්ධන නිලධාරීන් විසින් කටයුතු සංවිධානය කර තිබුණි.
මීගොඩ අවුරුදු උත්සවය මීගොඩ සමෘද්ධි බැංකු පරිශ්‍රය
අසලත්, හෝමාගම අවුරුදු උත්සවය හෝමාගම උතුර ග්‍රාම නිලධාරී වසමේ වෑකන්ද වෙල්යාය
අසලදීත් පිටිපන අවුරුදු උත්සවය පිටිපන මහා විද්‍යාලයීය ක්‍රිඩා භූමියේදීත් මත්තේගොඩ
අවුරුදු උත්සවය මත්තේගොඩ සමෘද්ධි බැංකු පරිශ්‍රය අසලත් පොල්ගස්ඕවිට අවුරුදු උත්සවය
රිලාවල ග්‍රාම නිලධාරී වසමේ නිසල උයන ක්‍රීඩා පිටියේදීත් පැවැත්විණ.
හෝමාගම ප්‍රාදේශීය
ලේකම් බුද්ධි තරංගා කරුණාසේන මහත්මිය, කොළඔ දිස්ත්‍රික් සමෘද්ධි අධ්‍යක්ෂ අශෝක
කුමාර මහතා, සමෘද්ධි බැංකු සමීති කළමණාකරු ටී.ජී. ශ්‍රියාණි මහත්මිය, මූලස්ථාන දිවිනැගුම
කලමණාකරු ප්‍රියන්ති ගුණවර්ධන මහත්මිය, සමෘද්ධි සංවර්ධන දෙපාර්තමේන්තුවේ මාධ්‍ය
අංශයේ කලමණාකරුවන් වන ශිරාණි කහදගේ මහත්මිය හා රෝහණ මහතා, සමාජ සංවර්ධන සහකාර
කාන්තිකා හුලත්දූව මෙනවිය හා චමිලා ජයතුංග මහත්මිය ද හෝමාගම කොට්ඨාශයේ සමෘද්ධි
අළුත් අවුරුදු සදහා සහභාගී වූහ.
වාර්තා කිරීම - සමෘද්ධි සන්නිවේදක හෝමාගම, චමිලා ජයතුංග මිය.
සකස් කිරීම - සහකාර අධ්‍යක්ෂ කොළඹ, ෆීලික්ස් ප්‍රනාන්දු.
අධීක්ෂණය - දිස්ත්‍රික් අධ්‍යක්ෂ කොළඹ, ඒ.ජී.එස්.අශෝක කුමාර මහතා.
No comments:
Post a Comment